Skátagildin á Íslandi

..ávallt skáti

  • Stækka leturstærð
  • Sjálfgefin leturstærð
  • Minnka leturstærð
Home Skýjaborgir

Skátagildið Skýjaborgir

Skátagildið Skýjaborgir var stofnað í skátaheimilinu Hraunbyrgi í Hafnarfirði 13. febrúar 2014. Gildið var stofnað að tilstuðlan St. Georgsgildisins í Hafnarfirði af frumkvæði Guðna Gíslasonar, gildismeistara, sem undirbjó stofnun þess. 
Rúmlega 30 mættu á stofnfundinn og komu nærri helmingur þeirra úr St. Georgsgildinu í Hafnarfirði sem vildu með því sýna stuðning sinn við stofnun gildisins. Fjölmargir höfðu sýnt stofnuninni áhuga og stofnfélagar urðu samtals ?????? [Vantar] 
Guðni Gíslason, gildismeistari, Una Guðlaug Sveinsdóttir félagsforingi og Harpa Hrönn Grétarsdóttir gildismeistari.
Guðni Gíslason, gildismeistari St. Georgsgildisins í Hafnarfirði, Una Guðlaug Sveinsdóttir, félagsforingi Hraunbúa og Harpa Hrönn Grétarsdóttir gildismeistari Skýjaborga.
 
Fyrsti gildismeistari var kjörin Harpa Hrönn Grétarsdóttir flugumferðarstjóri. Aðrir í stjórn eru: Andri Már Johnsen varagildismeistari, Guðrún Stefánsdóttir ritari, Ragnheiður Guðjónsdóttir gjaldkeri og Sigmar Örn Arnarson meðstjórnandi. 

St. Georgsgildið í Hafnarfirði færði hinu nýja gildi árnaðaróskir frá St. Georgsgildinu í Hafnarfirði, fundargerðabók og bauð þeim afnot að Skátalundi endurgjaldslaust undir félagsfundi.
 
Kennitala: 560914-0910
 

Sögustiklur

1971: Fimmta landsþing St. Georgsskáta var haldið í Oddfellowshúsinu í Reykjavík 20, maí, uppstigningardag. Hans Jörgensson landsgildismeistari setti þingið og skipaði Albert Kristinsson fundarstjóra en Ragnheiði Kristinsdóttur fundarritara, bæði úr Hafnarfirði.

Á þessu þingi var lesið bréf þess efnis, að Borgargildið hefði verið lagt niður.

Tvær uppástungur komu fram um Landsgildismeistara og var Franch Michelsen kosinn Landsgildismeistari með 13 atkvæðum. Hrefna Tynes fékk 12 atkvæði. Aðrir í Landgildisstjórn voru kjörnir Aðalsteinn Júlíusson, Björn Stefánsson og Þorsteinn Magnússon. Varamenn í landsgildisstjórn voru kosin Guðmundur Ólafsson og Elsa Kristinsdóttir.

Að þinginu loknu, eftir kvöldmat, var ekið til Hafnarfjarðar og upp að Hvaleyrarvatni í Skátalund skála Hafnarfjarðargildisins þar. Í Skátalundi var dvalið góða stund og var þar boðið upp á öl og meðlæti. Svo var haldið aftur til Reykjavíkur í safnaðarheimili Langholtssóknar. Þar hófst svo kvöldvaka með spjalli, söng og gamanmálum, kaffi og indælum kökum.

Á Landsgildisstjórnarfundi 10. júní var rætt um fyrirhugað norrænt gildisþing í Noregi og Þorsteinn Magnússon, Jónas Sigurður Jónsson og Albert Kristinsson skipaðir í nefnd til að undirbúa ferð þangað.

Á þessum fundi var líka rætt um að hætta að gefa Bálið út sem hluta af Foringjanum en gera það að sérstöku blaði sem kæmi út þrisvar til fjórum sinnum á ári, fjórar síður hverju sinni, en væri samt áfram innan í Foringjanum sem sjálfstætt blað. Hrefna Tynes tók að sér að athuga með ritstjórn.