Skátagildin á Íslandi

..ávallt skáti

  • Stækka leturstærð
  • Sjálfgefin leturstærð
  • Minnka leturstærð
Home Kópavogur

Póstaleikur á uppstigningardag

 Sú hefð hefur skapast hjá Kópavogsgildinu að hafa póstaleik í samstarfi við skátafélagið á uppstigningardag.  Að þessu sinni var sól og blískaparveður og mættu glaðir skátar með foreldrum sínum og öfum og ömmu og tóku þátt.  Póstarnir voru að skátasið og þar má nefna hefðbundna pósta eins og skátadulmál, hnútapóst og fánaathöfn.  Einnig voru óhefðbundnari póstar sem vöktu mikla lukku s.s. dýnuviðsnúningur og tunnu rúll.  Að lokum var grillað ofan í mannskapinn og allir héldu glaðir heim eftir vel heppnaðan dag. 

alt
alt
 

Kópavogsgildið

 Í Kópavogsgildinu eru nú 23 félagar.  Við höldum fundi þriðja fimmtudag í hverjum mánuði og höfum þá fræðslu og skemmtun í bland.  Við förum í gönguferðir fyrsta sunnudag í mánuði.

Við styðjum við starf skátafélagsins t.d. með því að elda í útilegum og mótum og aðstoðum við viðhald skátaheimilisins.  

 

 



Sögustiklur

1963: St. Georgsgildið í Hafnarfirði var stofnað 23. maí. St. Georgsgildið í Keflavík stofnað 27. maí. Bandalag íslenskra St. Georgsskáta, BÍG, stofnað 2. júní á Akureyri. Fundarstjóri var Sigurður Guðlaugsson, Akureyri og fundarritari Sigurbjörn Þórarinsson.

Fyrsta stjórn BGÍ. Dúi Björnsson, Akureyri, var kosinn landsgildismeistari og með honum í stjórn Sigurður Guðlaugsson, Allý Þórólfsson og Kristján Hallgrímsson. Samkvæmt lögum skyldi BÍS tilnefna fimmta manninn í stjórnina. Var Franch Michelsen, Reykjavík, tilnefndur í stjórnina af BÍS. Í varastjórn voru kjörin Stefán B. Árnason og Karitas Melstað. Félagar úr St. Georgsgildunum á Akureyri og í Reykjavík sátu þetta stofnþing.