Skátagildin á Íslandi

Eins og lesendur síðunnar hafa eflaust tekið eftir þá hefur annáll gildanna  aðeins náð að árinu1975. Nú hefur verið aukið við hann og nær annállinn nú til ársins 2011. Að vísu vantar árin 2001-2003 ennþá en reynt verður að bæta þeim inn í fljótlega.

Kaflarnir eru skrifaðir af ýmsum einstaklingum á mismunandi tímum og bera þeir því höfundareinkenni. Þeir sem lögðu til efni voru: Hörður Zophaníasson, Hreinn Óskarsson, Jóhanna Kristinsd., Einar Tjörvi Elíasson og Elín Richards. Bestu þakkir til þeirra allra. Á einstaka stað eru ? þar sem erfitt var að velja úr misvísandi upplýsingum. Gott væri að fá skriflegar ábendingar ef lesendur reka sig á villur í textanum. En þetta er fróðleg og skemmtileg  lesning og gott að eiga þessar heimildir nú á einum stað.

Hrefna Hjálmarsdóttir

landsgildismeistari

Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Vináttudagurinn

Alþjóðagildið var stofnað 25. október 1953.

Dagur Sameinuðu þjóðanna er 24. október.

Vináttudagurinn er alþjóðlegur hátíðisdagur gildisskáta og er haldinn ár hvert í október. (næsta sunnudag við stofnun alþjóðagildisins 25. okt. ef hægt er)

Vináttuboðskapurinn er sendur út frá alþjóðaskrifstofunni til allra þátttökulanda og birtur og lesinn á vináttudaginn.

Dagurinn er helgaður vináttunni, bæði milli einstaklinga og þjóða

og hefur verið fastur liður í starfi gildisskáta frá 1966.

Gildin sunnan heiða hafa skipst á að halda vináttudaginn í þessari röð:

2006: St. Georgsgildið í Reykjavík

2007: Landsgildið

2008: St. Georgsgildið í Hveragerði

2009: St. Georgsgildið í Keflavík

2010: St. Georgsgildið í Kópavogi

2011: St. Georgsgildið Straumur

2012: St. Georgsgildið í Hafnarfirði

2013: Landsgildið

Kæru gildisfélagar.

Það er mér mikil ánægja að leggja mitt af mörkum til að kynna bókina “Skátafélag - mikilvægt afl í samfélagi”.  Höfundar bókarinnar, hjónin Anna Kristjánsdóttir og Arnlaugur Guðmundsson, hafa fylgst með skátastarfi frá unga aldri og þekkja vel til flestra  þátta þess.

Eflaust geta margir gildisfélagar tekið undir með þeim, að finna til þakklætis fyrir ómældar ánægjustundir í skátastarfi um áratuga skeið.

Eins og fram kemur í kynningarbæklingi er bókin skrifuð fyrir breiðan hóp fólks, bæði þá sem tekið hafa þátt í skátastarfi en ekki síður fyrir þá sem ekki hafa verið skátar. Áherslan er ekki einungis á skátastarfið sem slíkt, heldur einnig á samfélagslegt hlutverk skátastarfsins. Einmitt þess vegna finnst mér hún sérstaklega áhugaverð fyrir skáta, sem hugsanlega fá nýja og dýpri sýn á skátastarfið við lesturinn. Margt sem við lærðum á okkar ungu skátaárum tókum sem sjálfsögðum hlutum á sínum tíma en geta vakið forvitni og áhuga okkar sem hugsandi fullorðins fólks. Það er vissulega áhugavert að skoða stöðu skátastarfs í samfélaginu á mismunandi tímum.

Skátagildin á Íslandi stuðla að því að efla skátafélögin í sinni heimabyggð ýmist fjárhagslega eða félagslega. Við vitum öll að skátastarf gengur oft í bylgjum og þess vegna er nauðsynlegt að hlúa að skátafélögunum sem “náttúruperlum”.

Ég er þess fullviss að bókin á eftir að vekja eftirtekt og umræður í íslensku samfélagi. Við gildisfélagar getum stuðlað að því með því að eignast bókina, gefa hana góðum vinum, og ræða um hana. Ég hlakka  til að lesa bókina  um veturnætur.

Hrefna Hjálmarsdóttir

Landsgildismeistari

Kynningarbækling má hlaða niður hér