Skátagildin á Íslandi

..ávallt skáti

  • Stækka leturstærð
  • Sjálfgefin leturstærð
  • Minnka leturstærð
Home Fréttir Uppbrettar ermar

Uppbrettar ermar

Ég kann alltaf vel við þegar fólk er með uppbrettar ermar. Ekki kannski mjög formlegt en einmitt þess vegna. Það sýnir að fólk ætlar að takast á við eitthvað þarflegt.

Nú þegar hinu formlega gildisstarfi fer að ljúka taka önnur verkefni við. Aðalfundir hafa verið haldnir og nýjar stjórnir myndaðar. Mörg gildi fara í ferðir yfir sumartímann, önnur munu án efa leggja skátafélögunum í heimabyggð lið þegar hinir ungu skátar fara að búa sig á landsmótið. Á sumrin tekur lífið á sig aðra mynd, við förum í ferðalög, hittum fleira fólk, hvílum okkur á hversdagslífinu.  

Í vetur ræddum við gildisskátar saman um nauðsyn þess að efla gildisstarfið þó  vissulega sé það kröftugt viða. En í heildina erum við of fá. Skátastarfið í landinu þarf að efla til muna. Og nú er lag því umfjöllun um skátastarf mun aukast verulega síðari hluta þessa árs.

Hvernig væri að grípa blað og blýant og punkta hjá sér nöfn gamalla skáta og aðra sem væri ástæða til að laða inn í gildisstarf ? Það gerirst ekki af sjálfu sér. Við þurfum að hefjast handa. Síðan væri hægt að bera saman lista þegar fer að líða að formlegu gildisstarfi á ný. Bjóða á fundi, blása til kynningarfunda, skrifa í bæjarblöðin, fjölga í gildum, stofna ný gildi allt eftir aðstæðum á hverjum stað.

 

Og munið..... brettið upp ermar.

 

Hrefna Hjálmarsdóttir

Landsgildismeistari

 

 

Sögustiklur

1972: Akranesgildi stofnað í Reykjavík. 24 íslenskir gildisfélagar sóttu norræna gildisþingið í Noregi og þótti sú ferð takast mjög vel.

1973: Eiríkur Jóhannesson var gerður að heiðursfélaga í St. Georgsgildinu í Hafnarfirði á 10 ára afmæli þess hinn 23. maí og er sá fyrsti sem hlýtur þann heiður.

Sjötta landsþing St. Georgsgildia var haldið á Akureyri laugardaginn 2.júní á 10 ára afmælidegi bandalagsins. Dúi Björnsson bauð menn velkomna til Akureyrar en síðan setti landsgildismeistari Franch Michelsen þingið og bað Tryggva Þorsteinsson að vera fundarstjóra og Jóhönnu Kristinsdóttur fundarritara.

Á þessu þingi var samþykkt að breyta nafni samtakanna, sem skyldu nú heita St. Georgsgildi Íslands, nefnt Landsgildið.

Franch Michelsen var kjörinn landsgildismeistari og með honum í stjórn Björn Stefánsson Keflavík, Þorsteinn Magnússon Reykjavík, Guðfinna Svavarsdóttir Reykjavík og Sigurlaug Arnórsdóttir Hafnarfirði.

Niðurhal skjala

Fundargerd_landthings_2011.pdf 2093kB 2011-09-11 14:16:23
Landsgildisthing_2013_fundargerd.pdf 499kB 2013-08-28 16:38:54
St_Georgs___vgsla.pdf 47kB 2010-11-10 17:41:21
VinattudagsBodskapur2011.pdf 53kB 2011-10-18 17:25:38
VinttudagsBoskapur2010.pdf 88kB 2010-11-09 21:32:38
fridarlogi_kynningarbaeklingur.pdf 604kB 2010-11-26 16:16:50
landgildisthing_2015_fundargerd.pdf 2216kB 2016-05-07 14:04:54
samthykktir_skatagildanna_a_islandi_2015.pdf 194kB 2015-05-10 23:42:50
samthykktir_skatagildin_a_islandi_2013.pdf 73kB 2013-08-28 15:38:36